மருத்துவ குறிப்பு பாகம்=1

எவ்வளவு தண்ணீர் குடிக்க வேண்டும் ? 

 

எமது உடலின் செயற்பாடுகளுக்கு ஒட்சிசனுக்கு அடுத்ததாக அத்தியவசியாமான பொருள் நீர் என்றால் மிகையில்லை.
ஆனாலும் அநேகமானோர் உடலின் தேவையைப் பூர்த்தி செய்யும் வகையில் போதியளவு நீரை அருந்துவதில்லை. ஒவ்வொருநாளும் நாம் பல்வேறு விதாமாக உடலில் இருந்து நீரை இழந்துகொண்டிருக்கிறோம்.

சிறுநீர், சுவாசம், வியர்வை, மலம் என பல்வேறு வழிகளினூடாக நாம் நீரை தினம்தோறும் இழக்கிறோம். இந்த நீர் மீண்டும் நமது உடலைச் சேருவது நாம் அருந்தும் நீர் மூலமாகவும், உணவில் உள்ள நீர் மூலமாகும்.

ஒருவருக்கு ஒருநாளைக்கு தேவையான அளவு நீர் அவர் மேலே சொன்ன வழிமுறைகள் மூலம் இழக்கும் நீராகும். அதுதான் வியர்வையான காலத்தில் அதிகம் நீர் வியர்வை மூலம் இழக்கப் படுவதால் அதிக நீர் உடலுக்குத் தேவை என்பதால் தாகம் அதிகரிக்கின்றது.

ஒருவர் ஒருநாளைக்கு எவ்வளவு நீர் அருந்த வேண்டும் என்பது அவரின் உடல் நிறை, அவர் வசிக்கும் காலநிலை, அவர் செய்யும் வேலையின் அளவு என்பவற்றில் தங்கியிருக்கிறது.

அண்ணளவாக ஒருவருக்கு ஒருநாளைக்குத் தேவைப்படுவது அவரின் ஒரு கிலோ உடல் நிறைக்கு 35ml நீராகும். இருந்தாலும் மேலே சொன்னதுபோல இந்த அளவு காலநிலை மாற்றம், மற்றும் வேலையின் அளவு என்பவற்றைப் பொருத்தும் மாறுபடும்.

சரியாக கணிக்கப்படாவிட்டாலும் அண்ணளவாக ஒருநாளைக்கு குறைந்தது இரண்டரை லீட்டர் நீராவது குடிப்பது அவசியமாகும்.

நீங்கள் இன்னும் சரியாக உங்களுக்குத் தேவையான நீரின் அளவைக் கணித்துக் கொள்ள விரும்பினால் இந்த சுட்டியில் உள்ள கணிப்பானில் உங்கள் தரவுகளைக் கொடுப்பதன் மூலம் கணித்துக் கொள்ள முடியும்.

உங்களுக்குத் தேவையான இந்த நீரை நீங்கள் எப்படி வேண்டுமானாலும் அருந்தலாம். அதாவது சூடாகவோ, ஆறியதாகவோ அல்லது பழச் சாறாகவோ. அதை உங்கள் விருப்பப் படி விரும்பிய அளவுகளில் குடித்துக் கொள்ளலாம்.(எத்தனை தடவையில் குடித்து முடிக்க வேண்டும் என்று கணக்கிடத் தேவையில்லை) ஆனாலும் அளவுக்கதிகமாக ஒரேயடியாக நேரை குடிப்பதால் மற்றைய வேளைகளில் கவனம் குறையலாம்.

இரவிலே அதிகம் நீரை அருந்தினால் சிறுநீர் கழிப்பதற்காக நித்திரை குழம்ப வேண்டியும் ஏற்படலாம். மேலே சொன்னதெல்லாம் ஆரோக்கியமான ஒருவருக்குத் தேவையான நீரின் அளவாகும்.

வாந்தி, வயிற்றோட்டம், காய்ச்சல் ஏற்படும் காலங்களில் நீரிழப்பு அதிகரிப்பதால் இன்னும் அதிகமாக நீர் அருந்த வேண்டி ஏற்படலாம்.

பால் போன்ற பள பள முகத்துக்கு!

*உணவில் காரத்தைக் குறைத்துக் கொள்ள வேண்டும். இந்த காரமான உணவுகள் முகத்தில் பருக்களை அதிகமாக்கி, முகப் பொலிவையே கெடுத்து விடும் அபயம் உள்ளது.

*முப்பது வயதை கடந்தவர்கள் கடலைமாவுடன்,தக்காளிஜூஸ் சம அளவு எடுத்து கலந்து முகத்தில் போட்டு கொள்ளுங்கள்.

அரை மணி நேரத்தில் குளிர்ந்த தண்ணீரால் முகத்தைக் கழுவுங்கள். வாரம் இருமுறை இவ்வாறு செய்து வந்தால் சருமம் சுருக்கமில்லாமல் பளபளப்பாக ஜொலிக்கும்.

*முதல் நாள் இரவே வெந்தயத்தை ஊறவைத்து அரைத்து, தலைக்குத் தேய்த்துக் குளித்துப் வந்தால் பொடுகு தொல்லை மறைந்து விடும். அதுமட்டுமல்ல, மயிர்க் கால்கள் வலுவாகி கூந்தலும் பளபளப்பாக மாறி விடும்.

வாழைத் தண்டின் மருத்துவ குணங்கள்!

வாழையின் உள் தண்டை சிறுசிறு துண்டுகளாக்கி வேறினை நீக்கி சமைத்து உண்ண சிறுநீர் பாதைகளில் ஏற்படும் கல் அடைப்பு நீங்கும். உடல் சூடு தணியும். சீதபேதி தாகம் தணியும்.

வாழைத் தண்டு காதுநோய், கருப்பை நோய்கள், ரத்தக் கோளாறுகள் ஆகியவற்றைக் குணமாக்கும். வாழைத்தண்டை உலர்த்திப் பொடி செய்து அத்துடன் தேன் சேர்த்துச் சாப்பிட்டு வர காமாலை நோய் குணமாகும்.

வெட்டிய வாழைத்தண்டிலிருந்து வரும் நீரைத் தடவத் தேள், பூரான் ஆகியவற்றின் கடியினால் ஏற்படும் வலி குறையும்.

வாழைத் தண்டைச் சுட்டு, அதன் சாம்பலைத் தேங்காய் எண்ணெயில் குழப்பி தடவி வர தீப்புண்கள், சீழ்வடிதல் மற்றும் காயங்கள் விரைவில் குணமாகும். வாழைத் தண்டிற்குக் குடலில் சிக்கியிருக்கும் மயிர், நஞ்சு ஆகியவற்றை வெளிப்படுத்தும் குணமுண்டு.

வாழைப் பூவை வேகவைத்து பொரியல் செய்து உண்பதால் அஜீரணம் நீரழிவு நோய் நீங்கும். குளிர்ச்சியை உண்டாக்கும் வயிற்றுப் புழுக்களை ஒழிக்கும் பித்த நோய்களையும், இருமலையும் நீக்கும்.

வாழைப்பூச்சாற்றுடன் கடுக்காயைச் சேர்த்து அருந்த மூலநோய், ஆசனக்கடுப்பு நீங்கும்.

கைகால் எரிச்சல், வெள்ளைபடுதல், மாதவிலக்கின் போது ஏற்படும் வலி ஆகியவை விலகும். வாழைப்பூச்சாற்றுடன் பனங்கற்கண்டு சேர்த்தும் பருகலாம்.

FILEகளைஐ அழிக்க

FILEகளைஐ அழிக்க முடியவில்லையா

Tamil Computer Tips Tamil Computer Magazine Computer Malar Tamil Computer Dictionary ஹார்ட் டிஸ்க்கில் இடம் குறைந்து வருகிறது. தேவையற்ற சில பைல்களை அழிக்கலாமே என்று முயற்சிப்போம். அப்போது நமக்கு எதிரியாக கம்ப்யூட்டர் நடந்து கொள்ளும். பைலை அழிக்க முடியாது (“Cannot Delete File”) என்று அதிரடியாகத் தகவல் தரும். அது ஒரு டாகுமெண்ட் பைலாகவோ அல்லது மியூசிக் மற்றும் பட பைலாகவோ இருக்கலாம். என்ன இது இவ்வாறு எதிர்வாதம் செய்கிறது? என்று எண்ணி மறுபடியும் மறுபடியும் முயற்சி செய்வோம்; ஆனால் மீண்டும் மீண்டும் அதே செய்திதான் வரும்.

சில வேளைகளில் காரணங்களும் காட்டப்படும். ஹார்ட் டிஸ்க்கில் போதுமான இடம் இல்லை. அதனால் அழிக்க முடியவில்லை என்று காரணம் கிடைக்கலாம். இது இன்னும் அதிகமான குழப்பத்தில் உங்களை சிக்க வைக்கும். ஏனென்றால் அதிக இடம் வேண்டும் என்பதற்காகத்தானே நீங்கள் பைலை அழிக்க முயற்சிக்கிறீர்கள். சில பைல்களுக்கு இந்த பைலை இன்னொருவர் பயன்படுத்திக் கொண்டிருக்கிறார். அல்லது இன்னொரு புரோகிராம் பயன்படுத்திக் கொண்டிருக்கிறது. அதனால் அழிக்க முடியாது என்று காரணம் வரலாம்.

எனவே அழிப்பதாக இருந்தால் அந்த பைலைப் பயன்படுத்திக் கொண்டிருக்கும் புரோகிராமை முதலில் நிறுத்து என்று செய்தி கிடைக்கும். இப்ப என்னதான் செய்றது? என்ற பெரிய கேள்விக் குறியுடன் நீங்கள் மானிட்டரைப் பார்த்துக் கொண்டு அமர்ந்துவிடுவீர்கள், இல்லையா? கீழே சில டிப்ஸ்கள் தரப்பட்டுள்ளன. அவற்றைப் பின்பற்றினால் இந்த பிரச்னைகளிலிருந்து தப்பிக்கலாம்.

முதலில் நீங்கள் அழித்திட எண்ணும் பைல் கம்ப்யூட்டரில் எங்கே உள்ளது என்று சரியாகத் தெரிந்து கொள்ளுங்கள். எடுத்துக்காட்டாக “myessay. txt” என்னும் பைல் என்னும் போல்டரில் இருக்கலாம். இதனுடைய சரியான முகவரி C:\Documents and Settings\ User Name \ My Documents என்பது. பைலின் பெயரையும் இந்த முகவரியையும் ஒரு பேப்பரில் குறித்துக் கொள்ளுங்கள்.

இனி கம்ப்யூட்டரை ரீ ஸ்டார்ட் செய்திடுங்கள். கம்ப்யூட்டர் பூட் ஆகும் போது எப்8 கீயை அழுத்துங்கள். அப்போது திரையில் Advanced Boot Options Menu மெனு கிடைக்கும். அந்த மெனுவில் Safe Mode with Command Prompt என்ற பிரிவில் கிளிக் செய்திடவும். இனி டாஸ் ப்ராம்ப்ட்டில் கம்ப்யூட்டர் பூட் ஆகி நிற்கும். இனி டாஸ் மோடில் துடிக்கும் புள்ளியில் cd C:\Documents and Settings\Your Name\My Documents என டைப் செய்திடவும் இதில cd என்பது Change Directory என்பதைக் குறிக்கிறது.

டைப் செய்து என்டர் அழுத்தியவுடன் டாஸ்கர்சர் உங்கள் பைல் உள்ள டைரக்டரியில் சென்று நிற்கும். இனி del myessay.txt என டைப் செய்து என்டர் தட்டினால் நீங்கள் பல வழிகளில் டெலீட் செய்திட முயன்று தோற்றுப் போன பைல் இப்போது நீக்கப்பட்டுவிடும். அப்பாடி! கம்ப்யூட்டர் உங்களுக்குக் கொடுத்த சவாலில் வெற்றி பெற்றுவிட்டீர்களா! சந்தோஷமா!!

 

 

 

உங்கள் COPMPUTER ஐ சுத்தப்படுத்த சில வழிகள்

Tamil Computer Tips Tamil Computer Magazine Computer Malar Tamil Computer Dictionary உங்கள் கணினியை சுத்தப்படுத்த சில வழிகள்:-

அனைவருக்கும் தங்களது கணினியை மிக வேகமாக்க ஆசை. இருப்பினும்அவர்கள் கணினியில் தேவை இல்லாத மென்பொருள்கள்,கோப்புகள்,நிரல்கள் என நிரப்பி தள்ளுவார்கள். கடைசியில் என் கணினி மிக மிக மெதுவாக வேலை செய்கிறது என்று குறை கூறுவார்கள்.சரி இதனையெல்லாம் கழற்றி கணினியை சுத்தம் செய்யலாம் என்று பார்ப்பார்கள் இறுதியில் அதுவும் செய்ய முடியாமல் தவிப்பார்கள். அவ்வாறு தவிப்பவர்கள் இந்த பதிவை படியுங்கள்:)


Revo Uninstaller:-

விண்டோசில் ஏற்கனவே Add/Remove program வசதி இருந்தும் சில நிரல்களை (program) நம்மால் முழுமையாக அகற்ற இயலாது. அந்நிலையில் இது போன்ற மென்பொருளை பயன்படுத்தவும். இந்த மென்பொருள் கழற்ற (uninstall) இயலாத மென்பொருள்கள்,நிரல்கள் ஆகியவற்றை எல்லாம் கழற்றி விடும்.அதனை தரவிறக்கம் செய்ய இங்கு செல்லவும்:-http://www.revouninstaller.com/

மீண்டும் நிறுவி கழற்றும் முறை (Reinstall to Uninstall):-
சில நேரங்களில் சில மென்பொருள்களை/நிரல்களை சரியாக கழற்ற இயலாது.அதற்கு காரணம் நிரல்களில் ஏற்பட்டுள்ள சிதைவு (corrupt). அதனால் நாம் அந்த மென்பொருள்/நிரலை திரும்ப நிறுவி (reinstall) கழற்ற முயல்வோம் ஆனால் அது "உன் கணினியை விட்டு போக மாட்டேன்" என்று அடம்பிடிக்கும்
.அப்போது இது போன்ற முறையை கையாளவும். முதலில் உங்களது கணினியை மறுதொடக்கம் (restart) செய்யுங்கள். பிறகு F8 விசையை (key) அழுத்திக் கொண்டே இருங்கள். அழுத்திய உடன் ஒரு திரை (screen) தோன்றும் அதில் Safe mode என்பதை சொடுக்கி பிறகு கழற்றி பாருங்கள்!

Rgistry cleaner:-
"தம்பி நீ சொன்ன இரெண்டுமே செய்து விட்டோம் ஆனா போவமாட்டங்குதே!" என்று கவலைப்படுவோர் இந்த மென்பொருளை பயன்படுத்துங்கள்
Ccleaner:- http://www.piriform.com/ccleaner
Auslogics:- http://www.auslogics.com/en/
இந்த இரெண்டும் நேரடியாக Program கோப்பில் (file) இருக்கின்ற கோப்பகத்தை (directory) அழித்துவிடும்.

தேவை இல்லாத கோப்புகளை அழித்தல்:-
என்ன உங்கள் தட்டு (hard disk) ஊசிப்போன வடை,பஜ்ஜி எல்லாம் வைத்திருக்கிறதா (அதாவது தேவையில்லாத cookies,temporary files, program installers, cookies, cached data, file fragments... ஆகியவற்றை எல்லாம் வைத்திருக்கிறதா:) அதனை அழிக்க மேலே உள்ள ccleaner மென்பொருளையே பயன்படுத்துங்கள்.

கணினியை பாதுகாப்பாக சுத்தப்படுத்த:-
நாம் எப்பொழுதும் கணினியை சுத்தப்படுத்தும் போது அதனை ஒரு தற்காப்பிற்காக சேகரிக்க மறந்துவிட்டு அனைத்தும் அழித்து விடுவோம். பிறகு அய்யய்யோ அனைத்தும் அழிந்து விட்டதே என கவலைப்படுவோம்:( கவலைபடாதீர் மக்களே அதற்கும் கைவசம் மென்பொருள் இருக்கிறது. இந்த மென்பொருள் பாதுகாப்பாக அனைத்தையும் ஒரு தற்காப்பிற்காக சேகரித்த (நீங்கள் குறிப்பிட்டது மட்டும்) பின்பு தான் அழிக்கும்.அதனால் இழந்ததை நீங்கள் எப்பொழுது வேண்டுமானால் மீட்டிக் கொள்ளலாம்.

Comodo system cleaner:- http://system-cleaner.comodo.com/

பெரிய கோப்புகளை அழித்தல்:-

நம் கணினியில் அதிகமாக மென்பொருள்கள் இருக்கிறதோ இல்லையோ! ஆனால் கண்டிப்பாக புதிதாக வெளிவந்த படங்கள்,விளையாட்டுக்கள்,ஒளித்தோற்றம்,பாட்டு ஆகியவையெல்லாம் நிரம்பி வழியும். அதனை எல்லாம் அழிக்க இந்த மென்பொருளை பயன்படுத்துங்கள்:-http://freshney.org/xinorbis/
இந்த மென்பொருள் உங்கள் தட்டை (hard disk) பரிசோதித்து (scan) எது அதிக அளவில் வைத்து இருக்கிறீர் எது குறைவாக வைத்து இருக்கிறீர் என்று அனைத்தையும் வரைபடம் (graph) போட்டு காண்பிக்கும்.இதனால் எந்த நிரல்,படம்... அதிகமாக இருக்கிறதோ அதனை நீங்கள் கண்டறிந்து அழித்துக் கொள்ளலாம்

 

 

 

FOLDER களை மற்றவர்கள் CUT,COPY, PASTE செய்வதை தடுக்க

Tamil Computer Tips Tamil Computer Magazine Computer Malar Tamil Computer Dictionary நமது கணிணியில் பல கோப்புகளை வைத்திருப்போம் அவற்றில் நமக்கு தேவையான அல்லது முக்கியமான பல கோப்புகள் இருக்கும்.நமக்கே தெரியாமல் சிலர் அழிக்கவோ அல்லது நமக்கு தெரியாமல் காப்பி செய்து கொள்ளவோ முடியும்.இதை தடுக்க Prevent என்ற இந்த மென்பொருள் பயன்படுகிறது.

இந்த மென்பொருளை நிறுவிய பின் இயக்கினால் கீழ்க்கண்ட Window தோன்றும்.


இதில் Define Hotkey என்பதில் உங்களுக்கு எளிதான அல்லது நினைவு கொள்ளகூடிய வகையில் எதாவது Key தேர்வு செய்து கொள்க. உதாரணமாக Ctrl + B அல்லது Ctrl + C என ஏதாவது தேர்வு செய்து கொள்க.

தேர்வு செய்த பின் Activate என்ற பட்டனை அழுத்துக.பின் கீழ்க்கண்ட Window தோன்றும்.
இதில் OK கொடுத்த பின் நீங்கள் எந்தவொரு கோப்புகளையும் கட்,பேஸ்ட்,காப்பி மற்றும் அழிக்கவோ முடியாது.மேலும் கோப்பின் மேல் Right Click செய்து பார்த்தாலும் அனைத்து வசதிகளும் முடக்கப்பட்டிருக்கும்.கீழே உள்ள படத்தை பார்க்க.

உங்களுக்கு கோப்புகளை அழிக்க வேண்டுமானால் முன்பு தேர்வு செய்த key அழுத்தினால் போதும்.அதாவது முன்னர் Ctrl +B கொடுத்திருந்தால் அதை தற்போது அழுத்தினால் மீண்டும் பழைய நிலைக்கு வந்து விடும்.
தற்போது நீங்கள் எந்தவொரு கோப்புகளையும் கட்,பேஸ்ட்,காப்பி மற்றும் அழிக்க முடியும்.
இந்த மென்பொருளை தரவிறக்க இங்கே கிளிக் செய்க

 

 

தொலைந்து போன CELL PHONE னின் INFORMATION ஐ பெற

Tamil Computer Tips Tamil Computer Magazine Computer Malar Tamil Computer Dictionary

பேசுவதற்கு  மட்டுமே பயன்பட்டு  வந்த  CELLPHONES இன்று   ஏராளமான செயல்பாடுகளை செய்ய பயன்படுகிறது.  VIDEO , AUDIO ,SMS   என செல்போன்களின் பயன்பாடு  விரிவடைந்து  உள்ளது.

இவ்வாறு  கையடக்க களஞ்சியமாக CELLPHONES மாறிவிட்ட இந்நிலையில்  செல்போன்களை தொலைத்து விட்டால்  அதனுடன் நாம் சேகரித்த தகவல்கள்  தொலைபேசி எண்கள்  முதல் வீடியோக்கள் வரை  அனைத்தும்  வீணாகிவிடும்.

இதுபோன்ற நேரங்களில்  பல சிக்கல்கள் ஏற்படக்கூடும். செல்போன்களில் இருக்கும் தகவல்களை  வேறு எங்காவது பத்திரப்படுத்தினால் மட்டுமே தகவல் இழப்பை தவிர்க்க முடியும். 

எனவே செல்போன்கள் தொலைந்துபோனால்   கவலைப்பட இனி தேவையில்லை. அவ்வாறு  செல்போன்களை  தொலைத்து    மன உளைச்சலில் இருப்பவர்கள் பின் வரும்  WEBSITE பயன்படுத்தலாம்.

இந்த இணையத்தளம்   நமது செல்போனில் உள்ள   அனைத்து தகவல்களையும் ஆன்லைனில் சேமிக்கும் வசதியை  http://www.mobyko.com/Home.do  என்னும்  இணையத்தளம்  வழங்குகிறது. பெரும்பாலும் இந்த வசதியை செல்போன்களுக்கு பயன்படுத்த முடியும்.
இந்த இணையத்தளத்தை பயன்படுத்த நாம் செய்ய வேண்டியது பின்வருவன :
 இந்த இணையத்தளத்திற்கு சென்று  நமது   செல்போன்  மாடலை தேர்வு செய்து , நமது  செல்போன் எண்ணை அளிக்க வேண்டும்.
உடனே நமது CELL PHONE NUMBERக்கு ஒரு செய்தி ( Message ) வரும். அந்த செய்தியில்  நமக்கு ரகசிய NUMBER அனுப்பி வைப்பார்கள். அந்த எண்ணை அடிப்படையாக வைத்து  ஒரு புதிய கணக்கை தொடங்க வேண்டும்.
புதிய   அக்கவுண்டை தொடங்கிய பின்னர்  நமது தொலைபேசிக்கு  அவர்களின் புரோகிராமை அனுப்பி வைப்பார்கள்.
   <=====> 
இதனை இணையத்தளத்தில் அளிக்கப்பட்டிருக்கும்   வழிமுறைகளை பின்பற்றி , புரோகிராமை நமது செல்போனில்  டவுன்லோடு செய்துக்கொள்ள வேண்டும்.
அதன் பிறகு  நமது செல்போனில் உள்ள  வீடியோக்கள் ,  ஆடியோக்கள் அனைத்தும் ONLINEனில் சேமிக்கப்படும். 
அவ்வளவுதான் முடிந்ததது உங்களது வேலை. நமது செல்போன் தொலைந்து போனால் கூட புதிய செல்பேசிக்கு அனைத்து தகவல்களையும் கொண்டு வர முடியும்.

இந்த சேவையை அந்த இணையத்தளம் இலவசமாக அளிக்கிறது.

 

 

 

கணினியில் USB DRIVE யின் செயல்பாட்டை

கணினியில் USB DRIVE யின் செயல்பாட்டை முடக்கலாம்

கணினியில் USB Drive களை முடக்க வேண்டிய நிர்பந்தம் எப்போது ஏற்படும் என்பதனை பார்ப்போம். கணினியில் வைரஸ் நுழைவதற்கான நுழைவாயில் பெரும்பாலும் USB Drive கள் தான். ஒன்றிற்கு மேற்பட்டோர் கணினியை உபயோகிக்கும் போது அனைவரும் USB Drive களை பயன்படுத்துவது தவிர்க்க இயலாதது.இல்லத்திலோ, அலுவலகங்களிலோ , ப்ரொவ்சிங் சென்டெர் போன்ற இடங்களிலோ கணினி பற்றி அதிகம் அறியாதோர் தவறுதலாக வைரஸ் உள்ள USB Device மூலம் கணினிக்குள் வைரஸ் புகுத்தி விட வாய்ப்பு உண்டு.நம்முடைய கணினியில் உள்ள விவரங்களை நாம் கணினியில் இல்லாத நேரம் பிறர் சில நிமிடங்களில் USB காப்பி செய்து எடுத்து விடும் அபாயமும் உண்டு. இது போன்ற தருணங்களில் கணினியில் உள்ள USB Drive களை முடக்கி (Disable) செய்து வைக்க வேண்டிய கட்டாயம் 
         
வரும்.கணினியின் BIOS Settings சென்று USB Port Disable செய்யலாம். ஆனால் அது நாம் USB Mouse, USB Keyboard, USB Printer போன்றவற்றை உபயோகித்தால் அவற்றையும் முடக்கி விடும்.USB Storage Device களை மட்டும் முடக்க வேண்டும். இதனை மூன்று வழிமுறைகளில் செய்யலாம்.Start பட்டனை கிளிக் செய்து Run கிளிக் செய்யுங்கள். அதில் regedit என்று கொடுத்து எனத் தட்டுங்கள். Start --> Run --> regedit . ரெஜிஸ்டரி எடிட்டர் தோன்றும். அதில் HKEY_LOCAL_MACHINE --> SYSTEM --> CurrentControlSet --> Services --> UsbStor செல்லுங்கள். வலது புறம் வரும் ஆப்சன்களில் "Start" என்பதனை டபுள் கிளிக் செய்யுங்கள்.தோன்றும் விண்டோவில் "Value Data" என்பதில்நீங்கள் USB Storage Drive களை Disable செய்ய விரும்பினால் "4" என்று கொடுக்கவும். USB Storage Drive களை Enable செய்ய விரும்பினால் "3" என்று கொடுக்கவும்.ரெஜிஸ்டரி எடிட்டரை மூடி விட்டு கணினியை Reboot செய்யவும். உங்கள் தேர்வின்படி USB Storage Drive enable/disable ஆகும்.இந்த முறை உங்களுக்கு கடினமானதாக தோன்றினால் ஒரு எளிய முறையை பார்ப்போம். கீழ்காணும் இரண்டு கோப்புகளையும் தரவிறக்கி கொள்ளுங்கள்.USB Storage Drive களை Enable செய்ய - EnableUSBDrive.regUSB Storage Drive களை Disable செய்ய -DisableUSBDrive.regஉங்கள் தேவைக்கான கோப்பை ஓபன் செய்தால் USB Enable / Disable ஆகும்.மற்றுமொரு வழிமுறையும் உண்டு. ஒரு இலவச மென்பொருள் மூலம் இதனை செய்யலாம். இந்த மென்பொருளை இங்கே கிளிக் செய்து பெற்று உங்கள் கணினியில் நிறுவி கொள்ளுங்கள்.வேண்டுமென்ற ஆப்சனை தேர்வு செய்து உங்கள் தேவையை நிறைவேற்றி கொள்ளுங்கள். மேற்சொன்ன முறைகள் விண்டோஸ் எக்ஸ்பி, விண்டோஸ் 2000, விண்டோஸ் 2003, விண்டோஸ் விஸ்டா , விண்டோஸ் 28, விண்டோஸ் 7 உள்ளிட்ட விண்டோஸ் இயங்குதளங்களில் வேலை செய்யும்

வரதட்சணை கொடுமையால்

வரதட்சணை கொடுமையால் பெண் தற்கொலை! கணவன்- மாமனார், மாமியாருக்கு 13 ஆண்டு ஜெயில்; திருவள்ளூர் கோர்ட்டு தீர்ப்பு

 

திருவள்ளூர் அடுத்த மணவூர் கிராமத்தை சேர்ந்தவர் தேவதாஸ். இவரது மகன் சாலமன் ராஜேஷ். இவருக்கும், திருவாலங்காடு எல்.ஜி.புரத்தை சேர்ந்த யாகூப் என்பவர் மகள் சுமத்ரா என்பவருக்கும் கடந்த 9-2-2004-ம் ஆண்டு திருமணம் நடந்தது.

திருமணத்தின் போது சுமத்ராவின் பெற்றோர் போதுமான நகை, சீர்வரிசை செய்திருந்தனர்.

இந்நிலையில் திருமணமான ஒரு சில மாதங்களில் பெற்றோர் வீட்டுக்கு சென்று அடிக்கடி பணம், பொருட்கள் வாங்கி வருமாறு சுமத்ராவை, கணவன் சாலமன் ராஜேஷ் அவரது தந்தை தேவதாஸ், தாய் பிளைசி ஆகியோர் தொல்லை கொடுத்து வந்தனர்.

இதில் மனம் உடைந்த சுமித்ரா கடந்த 6-9-2005-ல் தூக்கு போட்டு தற்கொலை செய்து கொண்டார். இது குறித்து அவரது தந்தை யாகூப், திருவாலங் காடு, போலீசில் “தனது மகள் வரதட்சணை கொடுமையால் தற்கொலை செய்து கொண்டதாக” புகார் செய்தார்.

போலீசார் வழக்குப்பதிவு செய்து கணவர் சாலமன் ராஜேஷ், தேவதாஸ், பிளைசி ஆகிய 3 பேரையும் கைது செய்தனர். இந்த வழக்கு திருவள்ளூர் விரைவு கோர்ட்டில் நடந்து வந்தது. அரசு தரப்பில் வக்கீல் ஸ்ரீதர் ஆஜரானார்.

வழக்கு விசாரணை முடிந்து நீதிபதி ஹேமலதா நேற்று தீர்ப்பு வழங்கினார். அதில், சுமத்ராவை வரதட்சணை கொடுமை செய்து தற்கொலைக்கு தூண்டிய கணவர் சாலமன் ராஜேஷ், மாமனார் தேவதாஸ், மாமியார் பிளைசி ஆகிய 3 பேருக்கும் 10 ஆண்டு சிறைதண்டனையும், ரூ.10 ஆயிரம் அபராதமும் சித்ரவதை செய்த குற்றத்திற்காக தலா 3 ஆண்டு சிறை தண்டனையும் ரூ.5 ஆயிரம் அபராதமும் விதிக்கப்படுவதாக கூறியுள்ளார்.

சிறை தண்டனை விதிக்கப்பட்ட 3 பேரையும் போலீசார் பாதுகாப்புடன் அழைத்து சென்று புழல் ஜெயிலில் அடைத்தனர்.

 

 

இன்பம் உடலுறவில் கருத்து

சுய இன்பம்! (MASTUBATION)

சுய இன்பம் (MASTUBATION) தனியாகவே பாலியல் இன்பம் பெறுதலைக் குறிக்கும். நம்மில் பல பேர் சுய இன்பம் என்றாலே ஒரு குற்றச்செயல் போலதான் கருத்துக்களைச் சொல்வார்கள்.

எது எப்படியோ சில நிரூபிக்கப் பட்ட உண்மைகளை மட்டும் நான் சொல்லி விடுகிறேன். ஒரு ஆய்விலே அறியப் பட்டது 95 வீதமான ஆண்களும் 85 வீதமான பெண்களும் சுய இன்பம் பெறுவதை ஒத்துக் கொள்கிறார்கள்.

ஒத்துக் கொள்ளாதவர்களிலும் சுய இன்பம் பெறுபவர்கள் எத்தனையோ? திருமணமானவர்கள் கூட இடையிடையே சுய இன்பத்தில் ஈடுபடுவதையும் அந்த ஆய்வு வெளிக்கொணர்ந்தது.

ஆக சுய இன்பம் என்பது இருபாலரிலும் காணப்படும் பொதுவான ஒரு இயல்பு. ஆரம்ப காலத்தில் இந்த சுய இன்பம் என்பது பாலியல் வேறுபாட்டு குறையாகவே மருத்துவத்தாலும் பார்க்கப்பட்டது இருந்தாலும் இது தீங்கற்ற ஒரு சாதாரன செயலாகவே இப்போது நோக்கப் படுகிறது. சுய இன்பம் காரணமாக உடல் ரீதியாக எந்தத் தீங்கும் இல்லை.

இருந்தாலும் இது மன ரீதியாக சில பாதிப்புக்களை ஏற்படுத்தலாம் . குறிப்பாக சுய இன்பத்தில் அதிகம் நாட்டம் கொண்டு இல்லற இன்பத்தை தவிர்க்கும் போது குடும்பச் சிக்கல்கள் ஏற்படலாம்.

இது தவிர சுய இன்பம் எந்தவொரு பாதிப்பையும் ஒருவருக்கு ஏற்படுத்தும் என்பதில் எந்த உண்மையும் இல்லை.குறிப்பாக சுய இன்பம் பெறுவதால் ஆண்மைத் தன்மை குறையும் என்பதில் எந்த உண்மையும் இல்லை.

மற்றும் குழந்தை பிறப்பதிலும் எந்தச் சிக்கலும் ஏற்படாது. ஒருவர் சுய இன்பத்தில் ஈடுபடும் போது வெளிவரும் விந்துகள் ஏற்கனவே உருவானவை.

அவர் சுய இன்பத்தில் ஈடுபடா விட்டாலும் அவை தானாகவே வெளியேறிவிடும். இதனால் சுய இன்பத்தால் ஒருவரின் ஆண்மை குறைகிறது என்பதில் எந்த உண்மையும் இல்லை.

 

உடலுறவில் ஈடுபட பொருத்தமான வயது?

 

எப்போது நாம் பூப்படைகிறோமோ அப்போதே நம் உடல் கொஞ்சம் கொஞ்சமாக உடலுறவுக்கும் குழந்தை பெறுதலுக்கும் தயாராகத் தொடங்குகிறது.

எத்தனை வயதில் ஒருவர் உறவில் ஈடுபட வேண்டும் என்பதில் கலாச்சார ரீதியாக பல கருத்துகள் இருந்தாலும், மருத்துவ ரீதியாக எப்போது ஒரு பெண்ணோ அல்லது ஆணோ உடல் ரீதியாகவும் மன ரீதியாகவும் உறவில் ஈடுபடத் தயாரோ அப்போதே அவர்கள் உறவில் ஈடுபடலாம்.

ஆனால் முக்கியமாக கவனிக்கப் படவேண்டியது இளம் வயதிலே கர்ப்பமடைவது பல பாரிய பிரச்சனைகளை அந்தப் பெண்ணுக்கு ஏற்படுத்தலாம். அதிலும் குறிப்பாக 18 வயதிற்கு உட்பட்ட பெண்கள் கர்ப்பம் அடைவதை முற்றாக தவிர்க்க வேண்டும்.

ஆகவே திருமணம்யாகியிருந்தாலும் கூட .18 வயதிற்கு உட்பட்ட பெண்கள் உறவில் ஈடுபடும் போது உரிய பாதுகாப்பு முறைகளை கையாண்டு கர்ப்பமடைவதைத் தவிர்க்க வேண்டும்.

அதேபோல் எத்தனை வயது வரை உறவில் ஈடுபட வேண்டும் என்பதிலும் கட்டுப்பாடு இல்லை. எத்தனை வயதுவரை உங்களால் முடியுமோ அத்தனை வயதுவரை நீங்கள் உறவில் ஈடுபடமுடியும்.

ஆனாலும் இள வயதுப் பெண்களைப் போல வயதான பெண்களும் கர்ப்பமடைவதால் பல பிரச்சினைகள் அவர்களுக்கு உருவாகலாம்.

ஆகவே தங்கள் குடும்பத்திற்குரிய குழந்தைகளை பெற்றுக் கொண்ட பெண்கள் உரிய குடும்பக் கட்டுப் பாட்டு முறையைக் கடைப்பிடிக்க வேண்டியது அவசியமாகும்

அவமானம் அடைந்த?

திருட்டு பட்டம் சுமத்தியதால் மேலும் ஒரு மாணவி தீக்குளித்து தற்கொலை; தலைமை ஆசிரியை கைது

சென்னையில் சில நாட்களுக்கு முன்பு அடையாறு ஜானகி அம்மாள் கல்லூரியில் பணம் திருட்டு போனதால் திவ்யா என்ற மாணவியை பேராசிரியைகள் நிர்வாணப்படுத்தி சோதனையிட்டனர். இதனால் அவமானம் அடைந்த மாணவி திவ்யா தூக்கு போட்டு தற்கொலை செய்து கொண்டார். இதைத் தொடர்ந்து 4 பேராசிரியைகள் கைது செய்யப்பட்டனர்.  அதன் பிறகு சென்னை புளியந்தோப்பை சேர்ந்த தேன்மொழி என்ற 8-ம் வகுப்பு மாணவி தேர்வில் காப்பி அடித்ததை ஆசிரியை கண்டு பிடித்து திட்டியதால் அவமானத்தில் தற்கொலை செய்தார். இதையொட்டி ஆசிரியை ஆண்டாள் இட மாற்றம் செய்யப்பட்டார்.

இதே போல் நீலகிரி மாவட்டம் கூடலூரில் ஆசிரியை திட்டியதால் பிளஸ்-2 மாணவி திரிஷா விஷம் குடித்து தற்கொலை செய்து கொண்டார்.  இந்த பரபரப்பு அடங்கு வதற்குள் கும்பகோணம் அருகே திருட்டு பட்டம் சுமத்தியதால் மேலும் ஒரு மாணவி தற்கொலை செய்த சம்பவம் நடந்துள்ளது. இது பற்றிய விவரம் வருமாறு:-

கும்பகோணம் அருகே உள்ள மேலாத்துகுறிச்சியை சேர்ந்த குமார் என்பவரது மூத்த மகள் சூரியா(14). ஊராட்சி ஒன்றிய நடுநிலைப்பள்ளியில் 8-ம் வகுப்பு படித்து வந்தார்.  நேற்று சூரியா பள்ளி கூடம் சென்றார். பள்ளி முடிந்ததும் தலைமை ஆசிரியை விஜயலட்சுமி தனது பேக்கை சூரியாவிடம் கொடுத்து மொபட் வண்டியில் வைக்கும்படி கூறினார். அதை சூரியா மொபட்டில் வைத்தார். சிறிது நேரம் கழித்து விஜயலட்சுமி அங்கு வந்தார். அப்போது பேக் திறந்து இருந்தது. உள்ளே இருந்த ரூ.500-ஐ காண வில்லை. மொபட் அருகில் நின்ற சூரியாவின் கையில் பணம் இருந்தது. உடனே தலைமை ஆசிரியை பணத்தை திருடினாயா? என்று கேட்டார்.

அதற்கு மாணவி சூரியா, நான் பணத்தை திருட வில்லை, பேக்கில் இருந்து பணம் கீழே விழுந்து கிடந்தது. அதை எடுத்து உங்களிடம் தர வைத்துள்ளேன் என்றார். ஆனால் அதை தலைமை ஆசிரியை நம்பவில்லை. அவர் மாணவியை திட்டினார்.   மாணவிகள் மத்தியில் தன்னை தலைமை ஆசிரியை திருட்டுபட்டம் சூட்டி திட்டியதால் சூரியா மனவேதனை அடைந்து அழுதார். வீட்டுக்கு சென்றதும் இதுபற்றி தாயார் ஆனந்த வள்ளியிடம் கண்ணீர் மல்க கூறினார். அவரை தாயார் சமாதானப்படுத்தினார். ஆனால் சூரியா வேதானையில் இருந்து மீளவில்லை.

வீட்டில் இருந்த மண் எண்ணையை எடுத்து உடலில் ஊற்றி தீவைத்துக்கொண்டார். உடலில் தீப்பிடித்ததும் கூச்சல் போட்டு அலறினார்.   அவரது சத்தம் கேட்டு வெளியில் நின்ற ஆனந்த வள்ளி, மற்றும் அக்கம்பக்கத்தினர் ஓடிவந்து தீயை அணைத்தனர்.அதற்குள் சூரியாவின் உடல் கருகியது. உடனே அவரை கும்பகோணம் அரசு ஆஸ்பத்திரிக்கு கொண்டு சென்றனர். அங்கு அவரது நிலைமை மோசமாக இருந்தது.

இதுபற்றி தகவல் அறிந்ததும் மாவட்ட தொடக்க கல்வி அலுவலர் திருவளர்செல்வி விரைந்து வந்து மாணவியின் தாயாரிடம் விசாரணை நடத்தினார். பின்னர் மாணவி சூரியா நீதிபதி சாந்திலியனிடம் மரணவாக்கு மூலம் அளித்தார். “தலைமை ஆசிரியை பணம் திருடியதாக என்னை திட்டினார். நான் பணம் திருடவில்லை என்றேன். ஆனால் அதை தலைமை ஆசிரியை நம்பவில்லை. என் முகத்தில் விழிக்காதே என்று திட்டினார். இதனால்மன வேதனை அடைந்து தீக்குளித்தேன்” என்று கூறினார்.

மாணவிக்கு டாக்டர்கள் தீவிர சிகிச்சை அளித்து வந்தனர். இன்றுகாலை அவர் சிகிச்சை பலன் அளிக்காமல் இறந்தார். சுவாமிமலை போலீசார் வழக்குபதிவு செய்து தலைமை ஆசிரியை விஜயலட்சுமியை கைது செய்தனர். அவரை மாவட்ட தொடக்க கல்வி அலுவலர் திருவளர் செல்வி சஸ்பெண்டு செய்து உத்தரவிட்டார். தலைமை ஆசிரியை திட்டியதால் மாணவி தீக்குளித்து இறந்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது.

 

 

 

இந்த வாரம் கள்ளகாதல் வாரம்

காஞ்சிபுரம் ஏரியில் தலையில்லா முண்டம்; கொலையுண்ட வாலிபர் சென்னையைச் சேர்ந்தவராம்: கள்ளத்தொடர்பால் நண்பர்களே தீர்த்துக் கட்டிய பரிதாபம்

ஞாயிற்றுக்கிழமை, 13 பெப்ரவரி 2011

 

காஞ்சீபுரம் அருகே உள்ள தாமல் ஏரியில் நேற்று முன்தினம் தலையில்லாத முண்டமாக வாலிபர் ஒரு வரின் பிணம் மிதந்தது.

தகவல் அறிந்ததும் போலீசார் விரைந்து சென்று பிணத்தை கைப்பற்றி விசாரணை நடத்தினார்கள்.

இதில் துப்பு துலக்கவும், கொலையாளிகளை கண்டு பிடிக்கவும் 3 தனிப்படைகள் அமைக்கப்பட்டன. தனிப்படை போலீசாரின் விசாரணையில் கொலையுண்டவர் அடையாளம் தெரிந்தது.

கொலை செய்யப்பட்டவர் பெயர் ரவி (வயது 25). சென்னை ராமாபுரம் சூளைபள்ளம் அன்னை இந்திரா தெருவில் வசித்து வந்தார். இவரது தந்தை ராமு, தாயார் அபரஞ்சி, மற்றும் குமார் என்ற அண்ணனும், வசந்தி என்ற அக்காளும் உள்ளனர்.

அதே பகுதியில் சொந்த வீடு உள்ளது. அதை லீசுக்கு விட்டுவிட்டு வாடகை வீட்டில் வசித்து வந்தனர். ரவிக்கு இன்னும் திருமணம் ஆகவில்லை.

ராமாபுரத்தில் சலூன்கடை நடத்தி வந்தார். கடந்த 10-ந்தேதி வியாழக்கிழமை மதியம் சாப்பாட்டுக்கு வீட்டிற்கு செல்லவில்லை. இரவும் செல்லவில்லை. இவர் சில சமயங்களில் இதுபோல் வீட்டிற்கு செல்லாமல் இருந்து விடுவது உண்டு. இதனால் பெற்றோர் அவரை தேடவில்லை.

மறுநாள் காலையும் அவர் வராததால் சந்தேகப்பட்டு போலீசில் புகார் செய்தனர். இதற்கிடையே காஞ்சீபுரம் ஏரியில் பிணமாக கிடந்தவர் பற்றி தனிப்படை போலீசார் விசாரணை நடத்தி வந்தனர்.

சென்னையில் வாலிபர் யாராவது காணாமல் போய் இருக்கிறாரா? என்று விசாரித்தனர். அப்போது ரவி காணாமல் போனது தெரிய வந்தது. உடனே ரவியின் பெற்றோரிடம் போலீசார் தொடர்பு கொண்டு அங்க அடையாளங்களை தெரிவித்தனர்.

இதையடுத்து பிணமாக கிடந்தது ரவி என்பது தெரிய வந்தது. உடனே பெற்றோர் காஞ்சீபுரம் சென்று உடலை அடையாளம் காட்டினர். ரவி கொலை செய்யப்பட்டது ஏன்? என்று போலீசார் பல கோணங்களில் விசாரித்தனர்.

ரவிக்கு அதே பகுதியை சேர்ந்த வாலிபர் ஒருவர் நெருங்கிய நண்பராக இருந்தார். இருவரும் சேர்ந்து மதுகுடிப்பது, எங்கு சென்றாலும் ஒன்றாக செல்வதையே வழக்கமாக கொண்டிருந்தனர்.

நட்பு காரணமாக நண்பரின் உறவினர்களும் ரவியிடம் அன்பாக பேசினார்கள். அப்போது ரவிக்கும் நண்பரின் அத்தைக்கும் கள்ளத்தொடர்பு ஏற்பட்டது. அந்த பெண்ணுக்கு ஏற்கனவே திருமணமாகி விட்டது.

ரவியின் கள்ளத்தொடர்பை கேள்விப்பட்ட நண்பர் ரவியை கண்டித்தார். ஆனாலும் அவர்கள் கள்ளத் தொடர்பை விடவில்லை. கடந்த சில தினங்களுக்கு முன்பு ரவி, தனது அத்தையுடன் உல்லாசமாக இருந்ததை நண்பர் பார்த்து விட்டார். இதனால் ஆத்திரம் அடைந்த அவர் ரவியை தீர்த்துக் கட்ட திட்டமிட்டார்.

சம்பவத்தன்று மதுகுடிக்கலாம் வா என்று ரவியை அழைத்து சென்றார். அங்கு கூட்டாளிகள் 3 பேரை சேர்த்து கொண்டார். 5 பேரும் ஒன்றாக மது குடித்தனர். பின்னர் ரவியை காரில் கடத்திச்சென்று காட்டுப் பகுதியில் வைத்து தலையை துண்டித்து கொலை செய்தனர். முண்டத்தைகாஞ்சீபுரம் தாமல் ஏரியில் வீசினர்.

தலையை தனியாக வேறு இடத்தில் வீசி சென்று விட்டனர். மேற்கண்ட தகவல்கள் போலீஸ் விசாரணையில் தெரிய வந்தது. இது தொடர்பாக போலீசார் 4 பேரை பிடித்து விசாரித்து வருகிறார்கள். அவர்களிடம் விசாரித்ததில் தலை வீசப்பட்ட இடம் தெரிய வந்தது. போலீசார் தலையை தேடி சென்றுள்ளனர்.

தலை கிடைத்ததும் பிரேத பரிசோதனைக்கு அனுப்பப்படும். குற்றவாளிகளை நெருங்கி விட்டோம் விரைவில் பிடித்து விடுவோம் என்று போலீசார் தெரிவித்தனர். ரவியின் அக்காள் வசந்தி கூறும்போது, சில நாட்களுக்கு முன் நான் ரவிக்கு போன் செய்தேன். அப்போது ஒரு பெண் எடுத்து பேசினார்.

ரவியை எங்கே என்று கேட்டதற்கு ரவி என்று யாரும் இல்லை என்று கூறி போனை வைத்து விட்டார். மீண்டும் போன் செய்தபோது வேறொரு ஆள் எடுத்து பேசினார்.

அவரும் ரவி இல்லை என்று போனை வைத்து விட்டார். இது எனக்கு சந்தேகத்தை ஏற்படுத்தி விட்டது. அப்போதே நாங்கள் தீவிரம் காட்டி இருந்தால் ரவியை கண்டு பிடித்து இருக்கலாம் என்று கண்ணீர் மல்க தெரிவித்தார்.

 

 

 

 வயது வித்தியாசம் பாராமல் மலர்ந்த கள்ளக்காதல் தந்தையின் கள்ளக்காதலி கொலை! மகன் உள்பட 3 பேர் கைது

வியாழன், 10 பெப்ரவரி 2011

 

தந்தையின் கள்ளக்காதலியை கொலை செய்ததாக மகன் உள்பட 3 பேர் கைது செய்யப்பட்டனர். இளம்பெண் கொலை பெங்களூர் வீவர்ஸ் காலனியை சேர்ந்தவர் நாகரத்னம்மா (வயது 40). இவரது கணவர் வெங்கடேஷ். ஆந்திராவை சேர்ந்தவர்.

கணவன், மனைவி இருவரும் வீவர்ஸ் காலனியில் தங்கியிருந்து குடும்பம் நடத்தி வந்தனர். இவர்களுக்கு 4 குழந்தைகள் உள்ளனர்.

இந்த நிலையில், கடந்த 4-ந் தேதி நைஸ் ரோட்டில் நாகரத்னம்மா கழுத்தை நெரித்துக் கொலை செய்யப்பட்டு கிடந்தார். இதுகுறித்து ஹலிமாவு போலீசார் வழக்குப்பதிவு செய்து, கொலையாளிகள் குறித்து தீவிர விசாரணை நடத்தி வந்தனர்.

விசாரணையில், கள்ளக்காதல் விவகாரத்தில் நாகரத்னம்மா கொலை செய்யப்பட்டு இருப்பது தெரியவந்தது. கள்ளக்காதல் நாகரத்மாவுக்கு 17 வயதாக இருந்தபோதே 55 வயதுகாரர் அந்தோனப்பா என்பவருடன் கள்ளக்காதல் ஏற்பட்டு உள்ளது. அந்தோனப்பாவும் ஏற்கனவே திருமணம் ஆனவர்.

அவருக்கு வினய் (22), ராமப்பா என்பவர்கள் உள்பட 3 பிள்ளைகள் உள்ளனர். இருப்பினும், நாகரத்னம்மாவும், அந்தோனப்பாவும் கள்ளத்தொடர்பை தொடர்ந்து உள்ளனர்.

இந்த விவகாரம் இரு வீட்டாருக்கும் தெரியவே நாகரத்னம்மாவை அவரது கணவர் வெங்கடேஷ், அந்தோனப்பாவின் மகன்கள் வினய், ராமப்பா ஆகியோர் கண்டித்து உள்ளனர். ஆனாலும், அதை பொருட்படுத்தாமல் அந்தோனப்பா உடனான தனது காதலை நாகரத்னம்மா கைவிடவில்லை.

கழுத்தை நெரித்து கொலை இந்த நிலையில், கடந்த 4-ந்தேதி நாகரத்னம்மாவை அந்தோனப்பாவின் மகன் வினய் மற்றும் அவரது நண்பர்கள் பாஷா, நந்தா ஆகியோர் வேனில் அழைத்து சென்று உள்ளனர். அந்தோனப்பா உடனான தொடர்பை கைவிட்டு விடும்படி வற்புறுத்தி உள்ளனர்.

ஆனாலும், அதற்கு நாகரத்னம்மா மறுத்து விட்டதாக கூறப்படுகிறது. இதனால் ஆத்திரம் அடைந்த வினய், நாகரத்னம்மாவை கழுத்தை நெரித்துக் கொலை செய்ததாக தெரிகிறது.

பின்னர் நாகரத்னம்மாவின் உடலை நைஸ் ரோட்டில் வீசி விட்டு, வினய், அவரது நண்பர்கள் பாஷா, நந்தா ஆகிய 3 பேரும் அங்கிருந்து சென்று விட்டனர் என்று போலீஸ் விசாரணையில் தெரியவந்து உள்ளது.

3 பேர் கைது இதையடுத்து, ஹுலிமாவு போலீசார் தீவிர தேடுதல் வேட்டை நடத்தி, நாகரத்னம்மாவை கொலை செய்ததாக வினய், அவரது நண்பர்கள் பாஷா, நந்தா ஆகிய 3 பேரையும் கைது செய்து உள்ளனர்.

அவர்கள் மீது கடத்தல் மற்றும் கொலை வழக்குப்பதிவு செய்யப்பட்டு உள்ளது.

 

 

 

 

கள்ளத்தொடர்புக்கு தடை போட்ட கணவன் கழுத்தை இறுக்கி கொலை! மனைவி - கள்ளக்காதலன் கைது

வெள்ளி, 11 பெப்ரவரி 2011

 

கடப்பா அருகே கள்ளத்தொடர்புக்கு இடைïறாக இருந்த கணவனை பாலில் தூக்க மாத்திரை கலந்து கொடுத்து தூங்க வைத்து விட்டு கழுத்தை இறுக்கி கொன்ற மனைவி மற்றும் அவளது கள்ளக்காதலனை போலீசார் கைது செய்தனர்.

கள்ளத்தொடர்பு தட்சண கன்னடா மாவட்டம் புத்தூர் அருகே புருஷகட்டே பகுதியை சேர்ந்தவர் அப்துல் ரபீக் (வயது 42). இவரது மனைவி ருபியா (37).

இவர்களுக்கு திருமணமாகி 20 ஆண்டுகள் ஆகிறது. இவர்களுக்கு 2 மகன்கள், ஒரு மகள் உள்ளனர். அப்துல் ரபீக், கடந்த 2 ஆண்டுகளுக்கு முன்பு உப்பினங்கடி அருகே கடப்பா பகுதியில் சொந்தமாக வீடு கட்டினார்.

அந்த வீட்டை கொலம்பாடி கிராமத்தை சேர்ந்த கட்டிட மேஸ்திரி முகமது ஷெரீப் (47) கட்டி வந்தார். அப்போது அப்துல் ரபீக் மனைவி ருபியாவுக்கும், முகமது ஷெரீப்புக்கும் பழக்கம் ஏற்பட்டது. நாளடைவில் கள்ளக் காதலாக மாறியது. முகமது ஷெரீப்புக்கு ஏற்கனவே திருமணமாகி 3 குழந்தைகள் உள்ளனர்.

அப்துல் ரபீக் வீட்டில் இல்லாதபோது இருவரும் உல்லாசமாக இருந்ததாக கூறப்படுகிறது.. கொலை செய்ய திட்டம் இதுபற்றி அறிந்த அப்துல் ரபீக், தனது மனைவி ருபியாவை கண்டித்துள்ளார்.

ஆனாலும் கள்ளக்காதலன் முகமது ஷெரீப்பை மறக்க முடியாமல் ருபியா தனிமையில் சந்தித்து பேசி வந்துள்ளார். அப்போது இருவரும் சேர்ந்து, கள்ளக்காதலுக்கு இடைïறாக இருக்கும் அப்துல் ரபீக்கை கொலை செய்ய 10 நாட்களுக்கு முன்பு திட்டம் தீட்டி உள்ளனர்.

அப்போது முகமது ஷெரீப், ருபியாவிடம் இரவில் அப்துல் ரபீக் தூங்க வரும் போது பாலில் தூக்க மாத்திரை கலந்து கொடுத்து விடு. அவர் தூங்கியதும் நான் வருகிறேன்.

இருவரும் சேர்ந்து கழுத்தை இறுக்கி கொலை செய்து விடலாம் என்று கூறி உள்ளார். கழுத்தை இறுக்கி கொலை அதன்படி நேற்று முன்தினம் இரவு அப்துல் ரபீக் வீட்டுக்கு வந்துள்ளார்.

அவர் தூங்க செல்வதற்கு முன்பு ருபியா, பாலில் தூக்க மாத்திரையை கலந்து கணவர் அப்துல் ரபீக் வசம் கொடுத்து உள்ளார். அதை குடித்த சிறிது நேரத்தில் அப்துல் ரபீக் தூங்கி விட்டார்.

அந்தநேரத்தில் திட்டமிட்டபடி முகமது ஷெரீப் அங்கு வந்துள்ளார். பின்னர் ருபியாவும், கள்ளக் காதலன் முகமது ஷெரீப்பும் சேர்ந்து கேபிள் வயரால் அப்துல் ரபீக் கழுத்தை இறுக்கி கொலை செய்தனர்.

மனைவி-கள்ளக்காதலன் கைது இதுகுறித்து கடப்பா போலீசார் வழக்குப்பதிவு செய்து ருபியா, அவளது கள்ளக் காதலன் முகமது ஷெரீப் ஆகிய 2 பேரையும் கைது செய்து விசாரணை நடத்தி வருகிறார்கள்.

Share18 0